Bergrivier
Terug na hoofblad

Hoof: Onderwys is Brittz se passie

•Madi Pieterse

Wanneer Bartho Brittz begin gesels oor onderwys en onderwyser wees, lê sy hart op sy mou.

“Mens kan maar sê ek is `n gebore onderwyser. My ouers was albei onderwysers en ek het dus in `n onderwys-omgewing grootgeword, waar ek elke dag die wonder van die beroep kon sien en beleef, waar ek menigmaal saam met my pa of ma was en oud-leerders hulle kom bedank het vir die positiewe invloed wat hulle in hulle jong lewens gehad het. Dit is hier waar ek besef het hoe `n belangrike rol `n onderwyser in `n kind se lewe speel.”

Die man wat so passievol gesels oor die onderwys is die nuwe skoolhoof van Vredenburg Hoërskool, Bartho Brittz, wat op 2 Mei die leisels oorneem by Derek von Zeuner, wat vir die afgelope 22 jaar dié groot skip se roer in die hande gehad het. Bartho weet dat hy groot skoene het om vol te staan, maar hy is opgewonde oor die uitdaging wat voor hom lê.

Bartho vertel dat hy, sedert hy aansoek gedoen het vir die pos in Oktober verlede jaar, (hy het ook vir ander poste geskiet) baie gebid het en vir die Here gevra het om hom te plaas waar hy regtigwaar `n verskil sal kan maak in kinders se lewens.

Bartho was die afgelope 7 jaar die hoof by Curro Privaatskool op Langebaan, maar het beluit dat hy `n nuwe uitdaging nodig het en daarom die besluit om nuwe weivelde te soek.

Sy vrou, Elsjé, is die sekretaresse by Curro se laerskool en hulle twee seuns, Leroux en Marno, sal hul skoolloopbaan by Curro voltooi. Leroux is vanjaar in matriek en Marno in graad tien.

Bartho het, nadat hy sy skoolloopbaan in Potchefstroom voltooi het, ook die voorreg gehad om uit die huis uit te studeer by Pukke vir `n BsC-graad en ook sy HOD verwerf.

Die ewige student, het hy later sy BEd in E-learning gedoen en ook `n meestersgraad hierin verwerf. Hy hoop om nog `n doktorsgraad aan te pak in die onderwysrigting.

Vir hom is dit belangrik om voortdurend sy kennis uit te brei om tred te hou met elke dag se nuwe verwikkelinge en ontwikkelinge.

Hy het deur die jare wye ervaring opgedoen. Sy eerste pos was by Die Wilgers in Pretoria, waar hy begin het om sy groot liefde vir wiskunde met leerders te deel.

Ook op sy kerfstok is skole soos Hoërskool Garsfontein, Nelspruit Hoërskool en Edu-Kollege, `n privaatskool in Qwa-Qwa.

Hy het elke dag van Bethlehem af gery om daar klas te gee.

Terwyl hy hier was, het sy skoonsuster Kupido gespeel en het hy sy geliefde Elsjé ontmoet, die vrou met wie hy `n jaar later getroud is en as `n engel beskryf.

Vir Bartho is die grootste verskil tussen `n privaatskool en `n staatskool die klasgroottes. Dit verg definitief baie meer van `n leerkrag om kennis oor te dra aan 36 kinders op `n slag dan vir 20 op `n slag en min individuele aandag kan aan leerders gegee word.

Daarom kan dit nie eintlik anders nie dat elke onderwyser `n passie vir kinders moet hê, nie net om hulle beste te kan lewer nie, maar ook om die beste in elke leerder te kan uitbring.

Bartho is `n streng persoon wat dissipline by die skool betref en sal nie toelaat dat klasse ontwrig word nie.

Uiteindelik is elke leerder daar om onderrig te ontvang en is dit die rede waarom ouers hulle kinders skool toe stuur.

Dit is Bartho en die onderwysers se taak om toe te sien dat dit gebeur. Hy sien uit daarna om die personeel te leer ken en `n pad met hulle te stap, sodat hulle saam uiteindelik dieselfde visie kan deel.

Alhoewel sport en ander buitemuurse aktiwiteite `n belangrike rol speel in die skool se bedrywighede, word akademie voorop gestel. In dieselfde asem glo Bartho dat buitemuurse aktiwiteite slegs `n verlengstuk is van dit wat elke dag in die klaskamer gebeur en dat positiewe houdings van onderwysers en leerders daar `n positiewe refleksie op die sportveld sal weergee.

`n Nuwe era lê voor vir elkeen by Vredenburg Hoërskool, `n era waarin elkeen die beste sal kry waarop hy/sy geregtig is.

Kavaliers vs Cheetahs op Paternoster se veld

Die afgelope naweek se uitmuntende rugby tydens die Transnet Saldanha Super 8 Rugby Paasfees-toernooi, is maar die begin van `n opwindende rugbyseisoen wat vir die Weskus se ondersteuners voorlê.

Saterdag, 4 Mei, sê twee vrouespanne asook Paternoster en Saldanhabaai se tweede en derde spanne mekaar die stryd aan op Paternoster se veld voordat die Boland Kavaliers en die Toyota Cheetahs om 14h00 die veld sal betree in wat beloof om `n opwindende Supersport Rugby Uitdaagwedstryd te wees.

Na afloop van hierdie wedstryd sal Paternoster en Saldanhabaai se twee eerste spanne op die veld draf om die dag se opwinding mee af te sluit. Hekke open reeds om 08h30 die oggend en die eerste wedstryd begin om 09h30.

Na die afhandeling van die wedstryde tussen die tweede en derde spanne van Paternoster sal die opwarming van die twee provinsiale spanne om 13h15 op die A-veld plaasvind. Hulle wedstryd begin dan om 14h00.

Kaartjies vir die geleentheid kan die dag by die hekke gekoop word en kos R30 vir volwassenes en R10 vir kinders o/12.

Voertuie is R10.

Wynand du Toit by veteranedag

Die bekende Wynand du Toit, wat in die middel tagtigerjare tydens `n militêre missie gevange geneem is en 837 dae in afsondering aangehou is voordat hy vrygelaat is, sal binnekort `n boekbekendstelling op Hopefield doen.

Die geleentheid vind plaas op Saterdag, 18 Mei, tydens Hopefield Skietklub se Veteranedag.

Die dag se verrigtinge begin om 09h30 by die Hopefield skietbaan met skietoefening (slegs handwapens), waarna deelnemers beweeg na die Monument by NG Kerk Hopefield, waar `n kranslegging om 12h00 ter nagedagtenis van afgestorwe soldate tydens die Grensoorlog gehou sal word.

Ligte verversings word by die Plaasmol bedien van 13h00 af en Wynand se boekbekendstelling begin dan om 14h00.

Van 15h00 is daar `n filmvertoning, Bosoorlog Otjiwarongo 1981, en van 17h00 – 1830 word `n steak-ete, teen R130 per persoon, bedien.

Die dag word afgesluit met `n dans, waar daar ook `n kontantkroeg sal wees.

Alle items van 13h00 af vind by die Plaasmol op die R45-roete plaas.

Persone wat belangstel om die dag se verrigtinge mee te maak, kan kaartjies koop by die volgende persone:

Japie 071 567 0662 / David 082 219 0513 / Winnie 072 354 2068 / Lizelle 071 422 2694 / Arél 083 735 3632 / Ted 076 585 2026.

Independent report ranks best municipalities

In a statement released by Minister of Local Government, Environmental Affairs and Development Planning, Anton Bredell and Finance Minister, Dr Ivan Meyer last week, an independent report ranked twelve of the top 20 best performing municipalities in South Africa to be in the Western Cape. This according to Good Governance Africa’s 2019 index of local municipalities which ranks the best to worst in South Africa.

Western Cape municipalities dominate the top 20, with Mossel Bay rated as the top-performing municipality in the country. The lowest ranked municipality in the Western Cape comes in at number 59 on the list of 213 municipalities.

Good Governance Africa (GGA) is an independent think tank. Its analysis of South African municipalities looks at three areas: The quality of administration, economic development, and service delivery.  To reach its findings, the think-tank uses data from Statistics South Africa, the Auditor-General’s reports, municipal information and National Treasury reports.  When analysing municipal administration, GGA considers the quality of personnel, financial management and compliance with annual reporting to Treasury.

 According to the Western Cape Minister of Finance, Dr Ivan Meyer, the report confirms the Western Cape’s good financial governance record.

“This is an affirmation of the success of the Western Cape Government’s Good Financial Governance agenda.

«Last year 23 out of 30 clean municipal audits were recorded in the Western Cape. Nationally there were only 33 clean audits in the entire country. The report also confirms that there is a direct link between good financial governance and a municipality’s ability to deliver quality services to its people,” dr. Meyer said.

Anton Bredell, Minister for Local Government, Environmental Affairs and Development Planning says the Western Cape Government is proud of the findings of this independent report which shows that the best run municipalities in South Africa are in the Western Cape.

“The reason for this is quite simple: We appoint qualified people, we believe in good governance and where rules are broken we come down hard on those found to be guilty irrespective of their party affiliations,” says Bredell.

 Both Ministers extended their congratulations to the top 12 municipalities and concurred that it was good that municipalities were being recognised for their hard work.

Jou Goeie Nuus - Gratis - Koerant met 'n Verskil in die Swartland - Ons dien en bou © die courant hou kopiereg op alle inhoud van hierdie webwerf en geen deel daarvan mag sonder die bestuur se toestemming gekopieer word nie.