Swartland
Terug na hoofblad

Die jaarlikse Amarider 100 en 50 Miler-fietswedren wat die afgelope Saterdag in die omgewing van Riebeek-Kasteel en Malmesbury plaasgevind het, het gesorg vir baie sweet, stamina met ‘n klim van 1950m, weerstand teen gure weer en natuurlik kampioene. Freddie Visser van Piketberg het die 50 Miler van 80km ver binne ‘n tyd van drie uur, twee minute en 29 sekondes met sy bergfiets voltooi, nádat dié 50 Miler deelnemers om 09:00 die oggend op Riebeek-Kasteel weggespring het. Hy het saam met die 100 Miler deelnemers die fietstoer om sowat 12:00 by die Malmesbury Skougronde voltooi. Visser wat 19 jaar oud is, het teen ‘n spoed van 27.29km/h gery. Jaco Davel (45) het op sy beurt die 100 Miler van 160km binne ‘n tyd van vyf ure, 59 minute en 52 sekondes kaf gedraf. Die langer fietsroete het om 07:30 die oggend weggespring met Davel wat die uitdaging teen ‘n spoed van 27.84 km per uur voltooi het. ‘n 155 Deelnemers het die 100 Miler voltooi, terwyl 229 fietsryers die 50 Miler voltooi het.

Jou Goeie Nuus - Gratis - Koerant met 'n Verskil in die Swartland - Ons dien en bou © die courant hou kopiereg op alle inhoud van hierdie webwerf en geen deel daarvan mag sonder die bestuur se toestemming gekopieer word nie.