Riebeek Valley Wine Co stel nuwe HUB aan

Werner Engelbrecht is as die Riebeek Valley Wine Co (voorheen Riebeek-Kelder) se nuwe hoof uitvoerende beampte aangestel, het dié maatskappy aangekondig.
Engelbrecht (48) het hom pas by Riebeek Valley Wine Co aangesluit en volg in die plek van Andre Engelbrecht wat vroeër ‘n aanstelling by Robertson Wyne aanvaar het.
Die nuwe uitvoerende hoof se loopbaan het begin as wingerdboukundige in die wingerde van die Swartland, waar hy van 1994 tot 1997 vir KWV saam met produsente uit die Riebeek-, Perdeberg- en Darling-gebied gewerk het.
Die Riebeek Valley Wine Co sê in ‘n verklaring in sy loopbaan tot dusver het Engelbrecht “diepte en breedte van ondervinding in die volledige wynwaardeketting opgedoen. Ons is opgewonde oor die aanstelling” en is vol vertroue dat Riebeek Valley Wine Co ons werksaamhede volgens ons nuwe strategie sal uitbou onder sy leierskap.
Engelbrecht het op Oudtshoorn gematrikuleer. Hy is ‘n enoloog (‘n wetenskaplike op die gebied van wyn en wynmaak), het aan die Universiteit van Stellenbosch studeer en B.Sc.-grade in Enologie, Wingerdbou en Landbouwetenskap verwerf. hy B.Sc.(Agric) Hons in Enologie en Wingerdbou en ook ‘n MBA aan die Universiteit van Stellenbosch Bestuurskool verwerf.
Hy het reeds posisies in sowel wynmaak as bestuur beklee by Vinfruco, Avondale en die filiaal Waterkloof Wines van die Boutinot-groep.
Engelbrecht het in 2013 by ConeTech Suid-Afrika aangesluit as besturende direkteur en sedertdien ook die toesighoudende verantwoordelikheid aanvaar vir die Europese bedrywighede van ConeTech.

Leave a Reply

error: Content is protected !!