Abstrak van Olivier Julie-wenner by S Fotoklub
By die Swartland Fotografieklub se aanlyn-maandbyeenkoms het Herman Olivier van Malmesbury met sy foto ‘Abstract Colors‘, die algehele eerste plek behaal.

Hy het met dié foto ook in die afdeling vir senior fotograwe (vlak 4 en hoër) die louere ingeoes.

Die temawenner van die maand was nog ‘n Olivier. Die maandtema was “Rooi” en dié keer was dit Theuns Olivier van Tzaneen met sy ‘Hoe rooier hoe mooier‘ wat die beste punt behaal het.

Die afdeling vir junior fotograwe (vlak 1 tot 3) is deur Piketberger Soreen Gouws gewen met haar foto ‘Wanneer die son deurbreek‘.

In die afdeling vir selfoonfoto’s het Herman Olivier ook met die eerste plek weggestap. Sy wenfoto was ‘Panorama Sunset‘. Dit is met ‘n Iphone Xs geneem.

Steff Hughes was die beoordelaar van die aand.
Die klub vergader (wanneer maatreëls dit toelaat) die tweede Donderdag van elke maand in die keldersaal van die NG Gemeente Swartland-Noord op Malmesbury.
Hier is nog ‘n paar foto’s wat top-punte behaal het.




Die tema vir Augustus is “winter”.

Besoek gerus die klub se facebookblad by Swartland Fotografieklub.