Olivier behaal weer 3-kuns met wenfoto’s

Die Swartland Fotografieklub het hul maandvergadering in die NG Kerksaal op Piketberg gehou.
Herman Olivier van Malmesbury het, soos verlede maand, weer met drie toekennings – dié as wenner in die selfoon- en seniorafdelings asook foto van die aand – weggestap.

Sy wenfoto van die aand (ook die senior wenner) is ‘n landskapfoto getiteld: Breathtaking Still Bay Sunset.

In die junior afdeling het Belinda Ruhl ook van Malmesbury die wenfoto, Wit hier en daar, ingeskryf.

Olivier se wenfoto in die selfoonkategorie was Little Red Window Iphone Xs.

Die maand se tema was sport- en aksiefotografie. Sy wenfoto in dié afdeling was Pied Kingfisher in Action.

Peter Hardcastle van Malmesbury het as beoordelaar opgetree.
Hier is nog ‘n paar van die foto’s wat goeie punte behaal het.

Vir aanstaande maand se byeenkoms is Lae lig- en Hoë lig-fotografie die tema.
Klubbyeekomste vind elke tweede Donderdag van elke maand in die keldersaal van die NG Gemeente Swartland-Noord op Malmesbury plaas.
Besoek gerus die Swartland Fotografieklub se facebookgroep.